Гвинеяда тұратын «Африкалық Ким Кардашьянмен» көңіл жарастырған ергежейлі музыкант ел президенті атануға өз канидатурасын ұсынатынын мәлімдеді, деп хабарлайды Neonomad.kz ақпарат агенттігі KAZ.NUR.KZ порталына сілтеме жасап.
Гранд П лақап атымен танымал Мусса Сандиана Каба Гвинеяда өзін президенттікке ұсынбақ деп жазады Daily Star басылымы. Жігіттің президент атануына оның Юдокси Яо есімді қалыңдығы барынша қолғабыс етпек. Бойжеткен ерекше үлкен жамбасының арқасында «Африкалық Ким Кардашьян» атанып кеткен.
Прогерия атты сирек дертке шалдыққан Муссаның бойы өспей қалған. Десе де өз махаббатын тауып, модель аруға үйленуді жоспарлап отырған азамат желіде өзін мазақ ететіндерден әбден мезі болған. Ол өз Facebook парақшасында өзінің президент атануға бақ сынайтынын мәлімдеді.
«Мен Гвинеяда 2020 жылы өтетін президент сайлауына өз кандидатурамды ұсынамын. Гвинеяны Құдай жарылқасын», – деп жазған ол.
18 қазан күнгі сайлауға қатысу үшін Мусса Amour Thinkration et Unite (ACU) атты саяси партия құруға кіріскен. Оның қалыңдығы Яо Муссаға бұл мақсатына жету жолында барынша көмектеспек. Келесі жылы қаңтарда некесін қиюды жоспарлап отырған жұп президент атануға барын салуда. Сол арада Гвинея елінің қазіргі президенті Альфа Конде үшінші кезеңге өз кандидатурасын растап үлгерді.
