Алматыда қымбат көлікті тізгіндеген екі ағайынды адамдарды әдейі қағып, қашып кеткен болатын. Біреуі бірден ұсталды, ал екіншісі болса ұстатпай жүрген болатын. Сол қолға түсті, деп хабарлайды Neonomad.kz ақпараттық агенттігі Nur.kz сайтына сілтеме жасап.
«Күдікті тергеу амалдарын жүргізу үшін ПД Тергеу басқармасына жеткізілген. Қылмыс жасалған уақытта ол «Тайота Авенсис» көлігін тізгіндеген.
Бұған дейін айтқанымыздай, қылмысқа қатысты адамның бірі – 1995 жылы туған, азамат А. бірден ұсталды. Алматы облысының тұрғыны. Ол «Тайота Камри» көлігінің рөлінде болған.
Екі автокөлікте заттай айғақ ретінде тәркіленіп, ҚР ҚК 24-бап, 3-тбөлімі және 99-бап, 2-бөлімі бойынша тергеліп жатқан қылмыстық істің материалдарына қосылған», – деді Алматы қаласы ПД басшысының орынбасары, полиция подполковнигі Данияр Меңдібаев.
Еске сала кетсек, оқиға 26 тамызда болды. Әлеуметтік желіде екі көліктің үш бірдей адамды әдейілеп басып өткен сәтінде түсірілген видео тарады. Кейін белгілі болғандай, оқиға Алматыда болған.
Алматының мамандандырылған ауданаралық тергеу соты үш адамды әдейі көлікпен қақты деген күдіктіні қамауға алу туралы шешім шығарды. Екі ай тергеу жүргізу барысында ол темір тордың ар жағында отыратын жаздық.
