Филиппиннің Лейте аралының тұрғыны белгісіз дертке шалдығып, кейін оның беті адам шошырлықтай болып ісіп кетеді, деп хабарлайды Neonomad.kz ақпарат агенттігі.
56 жастағы Ромуло Пилапил осыдан үш жыл бұрын белгісіз бір дертке шалдығады. Бастапқыда көзінің қышитынын айтып медицина мамандарының көмегіне жүгінеді. Дәрігерлер өз кезегінде оған «синусит» деген диагноз қояды. Осы диагнозға сәйкес ем тағайындайды. Араға екі апта салып жағдайы күрт нашарлап кетеді.
Жергілікті аурухана оны ел астанасына бағыттағанымен, қалтасы жұқа болып шығады. Ақырында оның беті бұрынғысынан бетер ісіп, көзін жауып қалады. Тіпті, жұмысын жалғастыруға шамасы келмей қалады. Осы орайда үйді ақшамен оның балалары қамтамасыз етеді.
Туыстары әлем жұрты Пилапилге көмек қолын созады деген үмітте.
