Адам өлтіруге оқталған деп айыпталған полиция қызметкері жұмысынан босатылды, деп хабарлайды Neonomad.kz ақпараттық агенттігі ҚазАқпарат сайтына сілтеме жасап.
Оқиға түнгі клубта болған. Департамент жанындағы айдауыл қызметінің қызметкері, полиция сержанты арақ ішіп алып, танысына пышақ сілтеп, ауыр дене жарақатын салған. Оқиғаға байланысты қызметтік тексеру жүргізілген.
Тәртіп сақшысы атағына кір келтіргені үшін аталған қызметкер құқық қорғау органынан босатылды.
Қазіргі кезде тергеу изоляторында отырған бұрынғы полиция қызметкеріне қатысты ҚР ҚК 24-бабы 3-бөлігі – 99-бабы 1-бөлігіне сәйкес тергеу амалдары жалғасуда.
