Ақтөбе облысында кәмелет жасына толмаған жасөспірім адам өлтіріп, 9 жылға бас бостандығынан айырылды, деп хабарлайды Neonomad.kz ақпараттықа агенттігі Tengrinews.kz сайтына сілтеме жасап.
Қайғылы оқиға үстіміздегі жылдың 26 қаңтарында Шалқар ауылында орын алған. Екі мектеп оқушысының арасында жанжал шығып, сол кезде 2003 жылғы жасөспірім кеуде тұсынан пышақ жарақатын алған. Дәрігерлер оның өмірін сақтап қала алмады.
Адам өліміне қатысы бар деген 17 жастағы күдікті сот үкімі бойынша 9 жылға бас бостандығынан айырылды.
Ол жазасын қауіпсіздігі орта мекемеде өтейтін болады. Сондай-ақ, сот айыпталушыны қаза тапқан оқушының туыстарына 4,6 миллион теңге өтемақы төлеуге міндеттеді. Сот үкімі заңды күшіне енген жоқ.
