Ақтөбеде Иегова куәгерлері мектеп оқушылары үшін тегін лагерь ұйымдастырған, деп хабарлайды Neonomad.kz ақпараттық агенттігі Nur.kz сайтына сілтеме жасап.

Ең сорақысы, оқушылардың анасы – жалғызбасты келіншек лагерьдің діни бірлестікке қатысы барынан бейхабар.

Жазғы демалыста тегін лагерь деген соң ол балаларын үйінің алдына келетін машинаға мінгізіп жіберетін болған. Лагерьдің соңғы күнінде балалар бір пакет қылып тегін таратылған кітапты үйлеріне әкеліпті.

Абырой болғанда, тыйым салынған кітаптарды әкесінің садақасына Құран бағыштауға келген имам байқап қалады.

Содан кейін дін қызметкері кітаптарды видеоға түсіріп, желіге салған.

Желіге жүктелген хабарламада «Ақтөбедегі Сүт зауыты ауданында кішкентай балаларды тегін лагерь деп шақырып, белгісіз біреулер осындай кітаптар таратып жүр. Абай болыңдар», – деген ескерту қалдырған.

Аталмыш фактіге қатысты тексеру жүргізілді.

«Аталған дерекке қатысы бар адамдарды жедел анықтау шаралары жүруде», – деп мәлімдеді қалалық полиция департаменті.

Мектеп директорының лагерьден хабары жоқ болып шықты. Ал оқушылар мен болса психологтар жұмыс істеуде.

«Жалғызбасты келіншектің 2, 5, 6 сыныпқа баратын балалары бар. Барлығы да №71 мектептің оқушылары. 2019 жылдың маусым айында баланың анасы көшеде бейтаныс жандардың тегін лагерьге шақыру таратып жүргенін көріп, шақырту алған. 5 маусым күні үш баласын да сол лагерге жіберіпті. «Нұр» лагерінің нақты мекенжайы белгісіз. Анасының айтуынша, лагерге балаларды үйінің қасынан машинамен алып кететін болған. Оқушылардың тәртібі, сабақ үлгерімі жақсы. Ешқандай есепте тіркелмеген», – дейді қалалық білім бөлімі.