Тоқаевтан эстафетаны қабылдаған Димаш Құдайберген Абайдың өлеңін оқыды, деп хабарлайды Neonomad.kz Димаштың Instagram желісіне сілтеме жасап.
Аты әлемге танымал қазақстандық әнші Димаш Құдайберген Тоқаев жолдаған эстафетаны жалғастырды. Абайдың «Қақтаған ақ күмістей кең маңдайлы» атты өлеңін оқыған ол эстафетаны Ақтөбе облысының әкімі мен РФ халық әншісі Игорь Крутойға жолдады.
«Қазақстан Республикасының президенті Қасым-Жомарт Кемелұлы Тоқаев @tokayev_online ағамыздың маған жолдаған Абай атамыздың 175 жылдығына орай Ұлы ақынның өлеңдерінен үзінді оқу эстафетасын зор құрметпен қабыл алдым. Атамыздың өнерін тағы бір мәрте әлемге паш етуге өз үлестерін қосу үшін осы эстафетаны Ақтөбе облысының әкімі Оңдасын Сейілұлы Оразалин ағама @aktobe_akparat, РФ ның халық әртiсi Игорь Крутой @igorkrutoy65 ағамызға және менің тыңдармандарым. #dears -тарға жолдаймын. #Abai175 «, – деп жазды Димаш.