Ақтөбелік автобус жүргізушісі әр жұма сайын жолаушыларды тегін тасымалдаған. Екі жылдан бері осылай қайырымдылықпен айналысып жүрген жүргізуші туралы қала тұрғыны айтып берді, деп хабарлайды Neonomad.kz ақпараттық агенттігі «Диапазон» сайтына сілтеме жасап.
Басылымға сұқбат берген Жаңабай Шәріпов есім қала тұрғынының сөзінше, Ақтөбеден 90 шақырым жерде орналасқан Қандыағаш қаласындағы «ГАЗель» жүргізушісі екі жыл бойы жұма сайын жолаушыларды тегін тасымалдап келген.
«15 қарашада Қандыағашта бірінші бағыт бойынша жүретін «ГАЗельге» міндім. Салон жолаушыға толып тұрды. Мен кондукторға 60 теңге беріп едім маған ақшаны қайтарып, бұл «ГАЗельде» жұма сайын жол жүру тегін екенін айтты.
Соңғы жылдардағы көрініс басқа ғой: барлығына үш есе төлейміз, бәрін есептеп, ұстап қалып жатады, тегін ештеңе жоқ. Үйім алты аялдамадан кейін еді. Бірақ бұл – өмірімдегі ең ұзақ жол болды. Мен тіпті 60 теңгені әмияныма салмай үйіме жеткенше қолымда ұстап тұрдым.
(…) Менің есептегенім бойынша, жүргізуші жолаушылар үшін ай сайын 50 мың теңгедей құрбандық жасайды. Отбасына және өзіне қиын болады ғой. Осымен үшінші жыл екен. Әр жұма сайын. Ол тек есімін айтты – Тимур. Оның әріптестерінен шын есімімін сұраған едім. Есімі – Темірбек Құсайынов. Мен оны суретке түсіріп үлгермедім. Ол кетіп қалды. Адамдарға жақсылық жасауға асығып кетті», – дейді қала тұрғыны.
