Бүгін №2 қалалық сотта бұрынғы әйелінің бетін пышақпен аяусыз кескен ер адамның ісі бойынша сот отырысы өтті. Прокурор сотталушыны 6 жыл бас бостандығынан айыруды сұрады, деп хабарлайд Neonomad.kz ақпарат агентігі ҚазАқпарат сайтына сілтеме жасап.
Оқиға 2020 жылдың наурызында болған. Ақтөбе тұрғыны мас күйінде бұрынғы әйелі жұмыс істейтін барға келіп, оны ұрып-соғып, бірнеше рет пышақ салған. Беті мен білегін жарақаттаған. Атап айтқанда, ол оның қабағын, құлағынан аузына дейін кесіп тастады. Прокурордың айтуынша, жарақаттардан қалған тыртық іздері кетпей қалған. Сондықтан пластикалық ота жасау қажет. Қылмыстық іс ауыр қылмыс құрамына жатады.
«Бет жарақаттары хирургиялық араласуды қажет етеді. Жара іздері бет әлпетін бұзды. Қылмыстық іс ауыр қылмыс құрамына жатады. Соттан сотталушыны Қазақстан Республикасы Қылмыстық кодексінің 1-бөлігі 106-бабы (денсаулыққа қасақана ауыр зиян келтіру) бойынша кінәлі деп тануды және 6 жыл мерзімге бас бостандығынан айыруды сұраймын», – деді прокурор Жетпісбаева.
Алайда сот отырысында жәбірленуші А. өзінің қылмыскерді кешіргенін, сонымен бірге ер адам оның шығындарын төлегенін және пластикалық операцияның ақысын төлеуге уәде бергенін айтты. Әйел соттан бұрынғы күйеуімен жолықпас үшін оған шектеу қоюды ғана сұрады.
Сотталушы кінәсін толығымен мойындап, соттан оны кәмелетке толмаған балалар үшін бас бостандығынан айырмауды сұрады және уәделерін орындауға уәде берді. Бұл іс бойынша үкім ертең шығарылады.
