Қазақстандық боксшы Мейірім Нұрсұлтанов кәсіби карьерасындағы 13-жеңісіне қол жеткізді, деп хабарлайды Neonomad.kz ақпарат агенттігі.
Отандасымыз бен мексикалық Кристиан Оливас 10 раунд бойы WBC нұсқасы бойынша АҚШ чемпионы болу үшін бақ сынасты. Ақырында Мейірім Нұрсұлтанов төрешілердің бірауыз шешімімен жеңіске жетті.
26 жастағы Нұрсұлтанов 13 жекпе-жекте жеңіске жетіп, оның сегізін мерзімінен бұрын аяқтаған болатын. Ал 27 жастағы мексикалық карьерасында 6-рет жеңілді. Мұның алдында 16 рет жеңіске жеткен болатын.
