Қазақстандық лоукорстер FlyArystan ұшағы шұғыл түрде Алматыға қонуға мәжбүр болды, деп хабарлайды Neonomad.kz ақпараттық агенттігі ҚазАқпарат сайтына сілтеме жасап. 

Бұл туралы лоукостердің жолаушысы Ғалия Жақыплва Facebook желісіндегі парақшасында жазды.

«Аман-есенбіз. FlyArystan әуе компаниясының Алматы-Шымкент рейсі кесте бойынша ұшып шыққан. Қажетті биіктікке көтеріліп қалғанбыз. Отызыншы минутта жолаушыларға (толық рейстің бортында 150-ден астам адам болды) техникалық себептерге байланысты ұшақ Алматы әуежайына оралуға мәжбүр екені хабарланды. Шынымды айтсам, өте қорқынышты болды. Бортта отырып әлі көп шаруа тындырып үлгермегенімді ұқтым», – деп жазды ол.

«Жанармай жүйесінде қателік анықталған» дегенді айтқан компания жағдайды былай түсіндірді.

«14 қыркүйекте Алматы-Шымкент бағыты бойынша ұшқан FlyArystan әуе компаниясының КС-7105 рейсі кезінде компьютерлік жүйе жанармай жүйесінде қателік анықтап, экипаж ақауды жою үшін Алматы әуежайына қайта оралу туралы шешім қабылдады. Қауіпсіздік – біз үшін негізгі басымдық. Сондықтан, инженерлер ұшақтағы жүйелердің жарамдылығына көз жеткізу үшін тексеру жүргізеді. Оған біраз уақыт қажет», – делінген компаияның мәліметінде.