Танымал жүргізушіге тікелей эфир барысында тосынсый жасалып, көз жасына ерік берді, – деп хабарлайды Neonomad.kz ақпарат агенттігі Қазақстан ұлттық арнасының «Ниет» бағдарламасына сілтеме жасап.
Танымал тележүргізуші Гүлназ Әлімгерей – 4 баланың анасы, «Қазақстан ханымы 2010» байқауының жеңімпазы. Әлем ханымдары бас қосқан додада Қазақ әйелінің образын көрсетіп, көптің көңілінен шыққан.
Гүлназдың таңдауы түскен сері де жәй азамат емес. Телеарнаның тарланы, заңгер – Нұрділда Ораз. Биыл олардың отау құрғандарына – 15 жыл!
13 жыл бойы ұлттық арнада жаңалық жүргізушісі болған Гүлназ биылдан бастап, тікелей эфирде ток-шоу бағытындағы әлеуметтік жобаны жүргізіп жүр.
«Ниет» бағдарламасының бүгінгі тікелей эфирінде «Декреттік демалыс» тақырыбында жолдасы Нұрділда Ораз скайпқа шығып, тосынсый жасады. Эфир барысында Гүлназ да бұл тақырыптың өзіне қатысы барын айтып, бесінші сәбиін күтіп жүргенін айтып, сүйінші сұрады.
