Петропавлда 8 сыныпта оқитын ұл бала кішкентай қызды зорламақ болған, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.
«2 қыркүйекте Петропавлда полиция басқармасына облыс орталығының 59 жастағы тұрғынынан шағым түсті. Ол кешкі сағат 18:00 шамасында белгісіз біреу 2011 жылғы немересіне азғындық әрекеттер жасағанын айтты. Қылмыстық полиция бөлімі қызметкерлерінің жедел іздестіру шараларының нәтижесінде 2006 жылы туған кәмелетке толмаған тұлға анықталды», – дейді полициядағылар.
Белгілі болғандай, 6 қыркүйекте әлеуметтік желілерде Петропавлда 8-сынып оқушысы мектептен үйіне қайтып бара жатқан екінші сыныпта оқитын қызды зорлауға оқталды деген ақпарат тараған еді.
Полиция мәліметінше, аталған дерек бойынша ҚР ҚК 124-бабы 1-тармағына (Көрінеу кәмелет жасқа толмаған балаға күш көрсетпей азғындық әрекеттер жасау) сәйкес сотқа дейінгі тергеу жүріп жатыр.
