Қасым-Жомарт Тоқаев келесі жылы зейнетақы жинақтарының бір бөлігін пайдалануға болатынын растады, деп хабарлайды Neonomad.kz ақпарат агенттігі Stan.kz сайтына сілтеме жасап.
«Нарықтық жағдайда азаматтар үшін тұрғын үйдің қолжетімділігі табыстың болуына және осы міндетті өз бетінше шешу қабілетіне негізделген. Менің тапсырмам аясында халықтың өз зейнетақы жинақтарының бір бөлігін пайдалану мәселесі пысықталды, бұл әсіресе қазір өзекті. 2021 жылы БЖЗҚ-ның 700 мың салымшысы өз жинақтарының бір бөлігін тұрғын үй сатып алу, емдеу немесе қаржы компанияларына беру үшін пайдалана алады», – деді Тоқаев.
Естеріңізге сала кетейік, зейнетақы жинақтарының бір бөлігін алып тастау туралы тапсырма Тоқаевтың былтырғы жолдауында айтылған. Сол кезде ол үкіметке мәселені 2019 жылдың соңына дейін пысықтауды тапсырған еді.
