Ішкі істер министрлігінде ЩҚО-да кішкентай қыздың зорланғаны туралы ақпаратты таратып жіберген қызметкер анықталып жатыр, деп хабарлайды Neonomad.kz ақпараттық агенттігі Sputnik Қазақтан сайтына сілтеме жасап.
«Тергеу кезінде осы қылмыстың себеп-салдары анықталады. Содан кейін тиісті шешім қабылданады. Ал жеке мәліметтерді жариялауға қатысты полицейлердің кінәсі дәлелденсе, олар да жауапқа тартылады», – деді Қожаев журналистерге берген сұхабатында.
Осыған дейін белгілі құқық қорғаушы Дина Смайылова Шығыс Қазақстан облысында болған сексуалды зорлық туралы жазған болатын. Оның сөзінше, оқиға 28 қазанда болған. Шемохина қаласында тұратын 7 жастағы қыздың зорланған.
«Полиция бағыттаманы таратты. Ол әлеуметтік желілерге де шығып кеткен. Онда арыз жазған адамның аты-жөнін және тұрғылықты жерін ашық көрсеткен», – деп жазды ол.
Келесі күні белгілі болғандай, 7 жастағы қызды «өгей әкесі» зорлаған. Яғни ер адам қыздың анасымен азаматтық некеде болған. Ішімдікке тойып алған ер адам кішкентай қызды зорлап, артынан өзіне қол жұмсаған.
Еске сала кетсек, ШҚО ер адам кәмелетке толмаған қызын зорлап тастаған болатын. Қылмыстан соң ол асылып өлгенін жазған болатынбыз.
