Бүгін, 14 қыркүйек күні, қазақстандық боксшы Данияр Елеусінов кәсіби карьерасындағы сегізінші жеңісіне қол жеткізді. Осы орайда, ол жеңістен кейінгі әсерін бөлісті, деп хабарлайды Neonomad.kz ақпарат агенттігі.

«Мен қатты қуаныштымын! Әрине, біз еңбектендік. Жекпе-жектібірінші раундта аяқтауға дайындалдық. Бұлай жеңіске жетуді әрбір боксшы армандайды деп ойлаймын. Осы уақытқа дейін бірнәрселер дұрыс болмай келді, өзіме де ұнамады. Қателерімді жөндедім, не істеу керегін жақсы білемін. Әуесқой бокста мен барлығына қол жеткіздім: әлем чемпионы болдым, олимпиада және Азия ойындары бар. Енді мен осы жерде белбеулерге қол жеткізгім келеді. Біреуді бөліп-жарып айтқым келмейді. Көреміз, уақыт беріңіздер», – деп күлді боксшы.

Сондай-ақ, Данияр Елеусінов әлеуметтік желідегі парақшасында «Аллаға шүкір» деп жазды.

Естеріңізге сала кетсек, қазақстандық боксшының 34 жастағы жеңіліп көрмеген қарсыласын бірінші раундта-ақ сұлатып түсіргенін хабарлаған едік.