Алты жасар бала ток ұрып, көз жұмды. Ата-анасы тергеліп жатыр, деп хабарлайды Neonomad.kz ақпараттық қызметі ҚазАқпарат агенттігіне сілтеме жасап.
Қайғылы оқиға Семей қаласында орын алды. Шығыс Қазақстан облыстық Полиция департаментінің баспасөз қызметінің мәліметіне қарағанда, қайғылы оқиға бала ойнап жүрген кезде болған.
Музыкалық орталықтың сымының аршылып қалған бөлігін ұстаған бала, сол жерде жан тапсырған.
«Тиісті деңгейде қауіпсіздік шараларын қолға алмай, сәбидің өліміне түрткі болған жауапсыздығы үшін баланың ата анасына қатысты Қылмыстық кодекстің 141-бабының 2-бөлігі бойынша сотқа дейінгі тергеу шаралары басталды», – делінген департамент дерегінде.
