Ханты-Манси автономиялық округінің Октябрь ауданында ерлі-зайыптылар саңырауқұлақ іздеп жүріп аюға кезіккен. Осы сәтте күйеуі әйелін жыртқыштың алдына тастап қаша жөнелген, деп хабарлайды Neonomad.kz ақпарат агенттігі.
Аталған оқиғаның алдында билік жергілікті тұрғындарға орманға бармауға кеңес беріп, жыртқыш аңдардан сақтандырған болатын.
Осылайша Ханты-Манси автономиялық округінің Октябрь ауданында ер адам орманнан қашып шығып, әйелі аңның қасында қалып қойған. Кейіннен іздеу тобы саңырауқұлақты жинаушының әйелін қанағаттанарлық күйде тапты, оған медициналық көмек қажет болған жоқ.
Ханты-Мансий автономиялық округінде жабайы аңдар, оның ішінде аюлар көп кездеседі. Жергілікті билік тұрғындарды сақ болуға және жыртқыштар табылған жерлерде серуендеуден аулақ болуға шақырады.
