Байқоңырда туған қызын зорламақ болған жігіт құрықталды, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
Ресей Федерациясы Тергеу комитетінің «Байқоңыр» кешеніндегі тергеу бөлімінің мәліметінше, оқиға 16 тамызда кешкі сағат алты кезінде болған.
33 жастағы жергілікті тұрғын мас күйінде Королев даңғылындағы автобус аялдамасында бес жасар қызына қатысты сексуалды сипаттағы іс-әрекет жасаған.
Кездеймоқ куәгерлер ер адамды қылмыс үстінде ұстап алған.
«Тексеру барысында оқиға расталды. РФ Тергеу комитетінің «Байқоңыр» кешеніндегі тергеу бөлімі РФ Қылмыстық кодексі 132-бабы – 14 жасқа толмаған тұлғаға қатысты сексуалды сипаттағы зорлық-зомбылық жасау бойынша қылмыстық іс қозғады», – деп мәлімет берді ведомство.
Қазіргі уақытта ер адам абақтыда отыр, тергеушілер сотқа тергеу аяқталғанға дейін күдіктіні қамауда ұстау туралы өтінішхат жіберді.
