Солтүстік Қазақстанда 4 бала қасқыржидек жеп уланды, соның біреуі көз жұмды, деп хабарлайды Neonomad.kz 

ҚарАқпараттың мәліметінше, қайғылы жағдай 16 шілдеде Уәлиханов ауданында тұратын көпбалалы отбасында болған.

Уланған төрт баланың үшеуін санавиациямен Петропавлдағы облыстық балалар ауруханасына жеткізілген.

Ал осы отбасының 5 жасар баласы болса көз жұмды. Кішкентай бала ұйқтаған күйі қайта оянбаған.
Анасының сөзінше, ол ештеңеден сезіктенбеген. Оның өзінің де жүрегі айнып, лоқсыған. Бірақ аса мән бермеген.

«11 және 8 жасар жеткіншектер мен 8 айлық нәресте ауруханаға жатқызылды. Балалар жақында белгісіз бір жидекті жегендерін айтты. Келіп түскен кезде үшеуінің де жүрегі айнып, лоқсыды, іші өтті. Балалардың жағдайы өте ауыр болатын. Ем-дом дезинтоксикациялық терапияға бағытталды»,- дейді облыстық балалар ауруханасының анестезиолог дәрігері Екатерина Живнодей.

Дәрігердің сөзінше, медициналық көмектен соң балалар келесі күні тәуірленіп, нефрология бөліміне ауыстырылған. Қазір олардың жағдайы бірқалыпиы.