Кезінде көршісінен жүкті болып қалып, екінші рет отау құрған Елена есімді әйел бүгіндері балаларымен кездесуге зар. Оның сөзінше, екінші күйеуі өгейлігін танытып, балаларын сәбилер үйіне тапсырып жіберген, деп хабарлайды Neonomad.kz ақпараттық агенттігі КТК арнасына сілтеме жасап.
«Астарлы ақиқат» бағдарламасына қатысып, халықтан көмек сұраған Еленаның бірінші некесінен үш баласы бар. Ол мұсылмандық қабылдап, азан шақырып, Айгүл есімін алыпты.
Кезінде көршісінен жүкті болып қалып, өзінің күйеуіне басқа адамды сүйіп қалғанын айтады. Бірақ мұндай шындықты қабылдай алмаған ер адам дүниеден озады. Сөйтіп Елена екінші рет тұрмысқа шыққан.
Екінші күйеуімен отбасын құрғанына 12 жыл болған. Осы жылдар ішінде әйел тек жылаумен өткенін айтады. Оның сөзінше, күйеуі үнемі таяқ астына алып, 5 рет қолын сындырыпты.
«Мен енді шыдай алмаймын. Осымен 5 рет қолымды сындырды. Бірінші рет оқтаумен сындырды…
3-4 күн үйден шығармайды. Күшік сияқты бұрышқа отырғызады. Бір рет ұрады, сосын тұра алмайсың. Арасында келіп тебеді.
«Мамаңа звондап, бізге бір қап ұн, бір қап құмшекер әкеліп, су-светке төлесін деп айт» деді. Мен «қалай маманан сұраймын, қойшы», – деп едім, ұрды», – дейді ол.
Бағдарлама барысында белгілі болғандай, күйеуі жұмыссыз жүріп, ащы суға құмартады екен.
Күйеуінің табалауынан шаршап, үйінен безіп кеткен Елена бүгінде Шымкент қаласының дағдарыс орталығын паналап жүр. Оның ендігі басты арманы – үйінде қалған балаларымен қайта қауышу.
