Алматы-Бішкек тас жолында жантүршігерлік жол апаты болып, онда 5 адам қаза тапты, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Жол-көлік апаты Алматы облысында орын алған.
Shacman жүк көлігін тізгіндеген жүргізушінің сөзінше, ол Қырғызстанның астанасына қарай бара жатқан. Оған қарсы бетте Mazda 626 көлігі жүріп келген.
Бір сәттк жеңіл көлік түрлі бағытта жүрк бастаған. Алдымен жол жиегіне шығып кетіп, одан кейін жүк көлігінің астына кіріп кеткен. Сосын қатты соққыдан ұшып кеткен.
Жүк көліктің жүргізушісі рөлді басқара алмай, айналып, жолдың ортасына тұрып алған.
Жеңіл көлік жол апаты салдарынан қатты деформацияланып, металл үйіндісіне айналған.
Алматы облысы полиция департаменті баспасөз қызметінің мәліметінше, жол апаты Алматы – Бішкек тас жолының 84-шақырымында болған.
Апаттан бес адам, оның ішінде үш бала көз жұмды.
Тағы үш адам ауруханаға жатқызылған. Адамдарды автокөліктің ішінен құтқарушылар шығарып алған.
Жол-көлік оқиғасына қатысты полиция сотқа дейінгі тергеу амалдарын бастады.
