Ол 2018 жылы өртеніп жатқан автобустан 48 адамды құтқарған болатын, олардың ішінде балаларда бар. Өз өміріне қауіп төніп тұрса да, өзгені құтқарамын деп өртке жүгірген батыр туралы Tengrinews.kz үлкен материал жазған болатын, деп хабарлайды Neonomad.kz.
Ержан Әмірхан Семей тұрғыны. 2018 жылдың тамызында қауіпті екеніне қарамастан өртеніп жатқан автобустан 48 адамды алып шыққан. Бұл туралы «Батырлар арамызда» бағдарламасынан айтылған болатын.
Оқиғадан соң Ержанға құр сөзбен алғыс білдіріп қойған. Белгілі болғандай, сол кезде оның 270 мың рублі өртеніп кеткен. Ал Семей әкімдігі болса сол ақшаның орнына 1 млн теңге беріп, оқиғаны ұмытқан.
Басылымның ақпаратынша, Ержан шетелден көлік әкелімен айналысады. Өртеніп кеткен ақша көлік сатып алуға арналған екен. Екі ұл бала мен екі қыз тәрбиелеп отырғаны, және отбасы жалдамалы пәтерде тұратыны белгілі болды.
37 жастағы батырдың оқиғасынан хабардар болған екі бизнесмен Ержанмен кездеседі.
«Өртеніп жатқан автобустан адамдары құтқару – бұл батырлық. Оған пәтер сыйға тарттық. Осылай біз әділетікке сену керек, жасалған жақсылық мың есе болып өзіңе қайтады дегіміз келді. Ержан алған бетінен қайтпасын, адамдарға үнемі жақсылық жасап жүрсін, әсіресе шалғайда қалған балаларға қолдау көрсетуден жалықпасын деп тілейміз. Қазір грек-рим күресі бойынша секциясына қолдау көрсету қарастырылып жатыр. Бірнеше варианттар бар, солардың ішінен тиімдісін қарастырамыз», – дейді Берік Қаниев пен Юрий Пак.
