«Оқжетпес» жастар командасының 19 жастағы ойыншысы Роман Зюзин отбасындағы жалғыз ұл болған. Футбол клубының директоры оның денесінде жылдам тараған сепсистен көз жұмғанын айтты, деп хабарлайды Neonomad.kz ақпарат агенттігі Vesti.kz сайтына сілтеме жасап.

«Бұл жаңалық ауыр тиді, қазір қара жамылып отырмыз. Ол жұма күні ғана «Тобол» командасымен болған ойынға қатысып еді. Осы күнге дейін денсаулығына байланысты шағымы болған емес. Алайда демалыста дене қызуы көтеріліп, ауруханаға түкен екен. Бастапқыда дәрігерлер жағдайының жақсы екенін айтқан. Артынша бір-ақ күнде комаға түсіпті. Ол отбасындағы жалғыз ұл әрі жатақханада тұратын. Футболдағы карьерасын ойлап, ауруын жасырған сияқты», – деді Көкшетау футбол клубының спорттық директоры Ержан Жамбыров.

Әрі қарай ол клубтың қара жамылуына байланысты Ақтөбедегі матчтың кейінге шегерілгенін айтты.

«Біз ішкі тексеру жүргізейік деп ойладық. Алайда ата-анасы мәйітті бөлшектеуге рұқсат бермеді», – деп қосты ол.

Бұдан өзге Жамбыров жерлеу рәсімінің шығынын клубтың толықтай өз мойнына алғанын, футболшының жалақысы толықтай ата-анасына төленетінін айтты.