Зиян шеккен 4 және 5 жастағы қыз ауруханада жатыр. Бұл іске күдікті ретінде сол маңда тұратын жас жігіт ұсталды, деп хабарлайды Neonomad.kz ақпарат агенттігі Уральская неделя сайтына сілтеме жасап.
Күдікті Батыс Қазақстан облысының Новая жизнь ауылында қолға түсті. Болған оқиға туралы 7 тамыз күні қыздардың бірі полицияда істейтін әкесіне айтып келген.
Жергілікті тұрғындардың айтуынша, екі қыздың бірі қалада тұрады. Бірақ қылмыс жасалған сәтте ол ауылдағы туыстарының үйіне қонаққа келген. Теректі полиция бөлімі қазіргі сәтте күдіктінің уақытша ұстау изоляторына қамалғанын растады.
«Ол Қазақстан Республикасы қылмыстық іс жүргізу кодексінің 128-бабына сәйкес, қамауға алынды және сот алдын алу шарасын таңдағанға дейін оны сонда ұстайды», – деді полиция баспасөз қызметіндегілер.
Күдіктінің жуырда әскерден оралып, мұның алдында төбелескені үшін полиция бөлімшесіне жеткізілгені белгілі болды. Ол тергеу басталғанға дейін уақытша ұстау изоляторына қамалды.
9 тамыз күні сот күдіктіге қатысты бұлтартпау шарасы туралы шешім шығарады.
