Күні кеше қолға түскен экс президент Алмазбек Атамбаев Қырғызстанның ұлттық қауіпсіздік мемлекеттік комитетінің тергеу изоляторына қамалды, деп хабарлайды Neonomad.kz ақпарат агенттігі.
Алмазбек Атамбаев ресми түрде сыбайлас жемқорлық үшін айыпталды. Бұл туралы оның адвокаты Сергей Слесарев бөлісті. Айтуынша, ІІМ тергеушісі заңдағы ұры Азиз Батукаевты заңсыз босату туралы қылмыстық іс қозғады.
«Мұндай айыптау тағуға негіз жоқ. Менің клиентім куәгер ретінде шақырылып, одан жауап алынбаған болса, оны не үшін ақтауға болады? Оған бірден күдік туралы хабарлама берілді. Мұның барлығы алдын ала жасалған сценарий бойынша болып жатыр. Бұл жасағандарының бәрі заңсыз, себебі Алмазбек Атамбаевтың экс президент ретінде дербестікке құқығы бар», – деді адвокат.
Естеріңізге сала кетсек, осы уақытқа дейін Қырғызстандағы алаңда болған митинг кезінде қарулы күштердің тұрғындарды қалай қуып жатқанын көрсеткен видеолардың тарағаны туралы хабарлаған едік.
