Қазақстан президенті Қасым Жомарт Тоқаевтың Қырғызстандағы жағдайды бақылап отырғаны айтылды, деп хабарлайды Neonomad.kz ақпарат агенттігі.
«Қазақстан президенті Қырғызстандағы жағдайды жіті бақылап отыр. Мемлекет басшысы көрші ағайындардың елінде болып жатқандар Қырғызстан Республикасының ішкі мәселесі деген пікірде. Қасым-Жомарт Тоқаев қазіргі заң шеңберінде елдегі жағдай жылдам тұрақталады деген үмітте», – деді мемлекет басшысының баспасөз хатшысы Берік Уәли.
Естеріңізге сала кетсек, осы уақытқа дейін Қырғызстан президентінің мәлімдеме жасағаны туралы хабарлаған едік.
