Танымал қазақстандық боксшы Ермахан Ибраимов қазақтың ең үздік боксшысының қатарына неліктен Қанат Исламды әрең қосқанын түсіндірді, деп хабарлайды Neonomad.kz ақпарат агенттігі Аман Тасығанның TalkLike бағдарламасына сілтеме жасап.

«Геннадий Головкинді бұл тізімге қосқым келмейді. Себебі ол – супер жұлдыз. Ол – қазақ. Ал үздік бестікке Батыр Жүкембаев, Садриддин Ахмедов, Жәнібек Әлімханұлы, Әли Ахмедов және Қанат Ислам сынды боксшыларды қосатын едім», – дейді спортшы.

Артынша ол неліктен бұл тізімде Қанат Исламның соңғы болып тұрғанын түсіндірді. Айтуынша, оған бір ғана себебі бар.

«Қанат Исламды бірінші етіп қосуыма болатын еді. Алайда Қанаттың осы боксшылардан жасы үлкен. «Біз Қанат Исламның болашағынан үміт күтеміз. Ол әлі әлем әлем чемпионы болады. Ол әлі жас» деп айта алмаймын. Осы нәрсе ғана кедергі болды. Шындығым осы», – деп қайырды боксшы.

Мұнымен қатар, ол көп уақыт Геннадий Головкинді Сауль «Канело» Альвареспен жекпе-жек өткізбеуге көндірмек болғанына тоқталды.