Нұр-Сұдтанда түрлі жарақаттармен ауруханаға түскен қыз ақыры көз жұмды. Оның өліміне өгей әкесі кінәлі болуы мүмкін, деп хабарлайды Neonomad.kz ақпараттық агенттігі «Астана» арнасына сілтеме жасап. 

Полиция департаментінің мәліметінше, көз жұмған кішкентай қыздың анасы полиция есебінде тұрады, ал өгей әкесі болса бұған дейін істі болған.

Қылмысқа қатысты сараптамалар әзірленіп жатыр, осы айдың соңына дейін тергеу нәтмжесі сотқа жолданады.

«Бұл факт бойынша ҚР қылмыстық кодексінің 106 бабына сәйкес сотқа дейінгі тергеп-тексеру амалдары жүргізілуде. Егер қылмысы дәлелденсе, 8-12 жыл аралығында бас бостандығынан айрылуы мүмкін», – дейді Нұр-Сұлтан қаласы полиция департаменті баспасөз қызметінің өкілі Эльмира Шауленова.

Еске сала кетсек, биылғы жылдың 8 маусымында Нұр-Сұлтан қалалық ауруханасына түрлі жарақатпен 3 жасар қыз жеткізілген. Өкінішке орай, кішкентай қыз алған жарақаттарға шыдамай, жан тапсырғанын жаздық.