Жамбыл облысында үш жасар қызды зорлады деген күдікпен жас жігіт ұсталды. Күдіктінің жасы жиырма бесте, деп хабарлайды Neonomad.kz Жамбыл облыстық полиция департаментінің баспасөз қызметіне сілтеме жасап.
18 маусымда Шу аудандық полиция бөліміне 3 жасар кішкентай қыздың зорланғаны туралы ақпарат келіп түскен.
«Ауыр қылмыс жасаған күдікті бірден қолға түсті. ҚР Қылмыстық кодексінің 120-бабы (Жас балаға қатысты жыныстық сипаттағы зорлық-зомбылық әрекеттер) бойынша сотқа дейінгі тегреу ісі басталды. Сот-медициналық сараптама жасалады. Қозғалған қылмыстық істің анық-қанығы айтылмайды», – делінген полиция қызметінің баспасөз қызметі таратқан хабарламада.
Ауыр қылмыс жасады деген күдікпен ұсталған жігіттің жасы 25-те. Шу қаласының тұрғыны. Қазір ол Тараз қалалық тергеу изоляторында тұтқында.
