Украинаның Чернобыль қаласын ядролық қалдықтардан тазартуға атсалысқан ақтөбелік қария танымал телехикаяны көргеннен кейін өзіне қол салды. 25 жастағы қызының айтуынша, бұған Жүсіповтің жан жарасының қозғалуы себеп болған, деп хабарлайды Neonomad.kz ақпарат агенттігі dailymail.co.uk сайтына сілтеме жасап.
61 жастағы Нағашбай Жүсіпов көп уақыт бойы жатақхананың лас әрі қуықтай бөлмесінде тұрып келген. Көп жыл үй кезегінде тұрып, кейін өзінің алынғанын білген ол Ақтөбе қаласында үй шатырынан құлап көз жұмды. Достары бұған өзінің ақысы желінді деп ойлауы себеп болғанын жеткізді.
Қайғылы оқиға қария HBO арнасынан «Чернобыль» телехикаясын көргеннен кейін болған. 25 жастағы қызының айтуынша, әкесі аталған туындыны көзіне жас алып отырып көрген.
Чернобыльды тазартуға атсалысқан Украина, Беларусь, Ресей және Қазақстан ардагерлеріне жоғары зейнетақы мен үй берілген болатын. Нағашбай Жүсіпов те 10 жыл бойы үй кезегінде тұрады. Алайда кейін өз есімінің тізімнен «өшіп кеткенін» біледі. Ол осы үшін де соттасқан еді.
«Онымен соңғы рет кездескен кезімде күйініп жүргенін байқадым. Қатты ашынғандықтан, өзіне қол салды деген ойдамын», – дейді Сатов.
Мұнымен қатар, қарияның достары мен жақындары Чернобыльды ядролық қалдықтардан тазарту кезінде оның денсаулығының қатты нашарлап кеткенін айтқан. Басы жиі ауырып, дәрігерлердің көмегіне жиі жүгінетін болған екен.
«Біз Чернобыльға бара жатқан кезде не үшін екенін ешкім ескерткен жоқ. Ол жақта тракторшы болып жұмыс істедім. Осыдан кейін денсаулығым нашарлап кетті. Оның үстіне Семей полигонына да қатысқан болатынмын», – деді Жүсіпов көзі тірісінде берген сұхбаттарының бірінде.
Ал қызы енді әкесінің үйге келмейтінін ойлағанда жүрегі ауыратынын айтады, Десе де, Гаухар әкесінің мемлекет тарапынан белгілі бір дәрежеде көмек көргенін жасырмады.
«Чернобыль» – 5 бөлімнен тұратын тарихи кішігірім телехикая. Оны америкалық HBO және британиялық Sky теле желісі бірігіп түсірген болатын. Сценарийін жазған – Крэйг Мазин, режиссер – Йохан Ренк. Ал рөлдерді Джаред Харрис, Стеллан Скарсгорд, Эмили Уотсон, Пол Риттер және басқалар сомдады. Телехикая көгілдір экраннан АҚШ-та 2019 жылдың 6 мамыры күні, ал Ұлыбританияда 2019 жылдың 7 мамыры күні көрсетілді.
