Қазақстандық боксшы Қанат Ислам (27-0, 21 КО) ұзақ үзілістен кейін рингке оралып, Майамиде (АҚШ) жекпе-жек өткізді, деп хабарлайды Sports.kz.
Ислам эквадорлық Джейсон Миндамен (14-3-1, 8 КО) жекпе-жек өткізді. Олардың орта салмақтағы жекпе-жегі он раундқа жоспарланған, бірақ қазақстандықтың ерте жеңісімен – жетінші раундтағы техникалық нокаутпен аяқталды. Нокауттың видеосын төменде көруге болады.
Қанат Ислам үшін бұл жеңіс проф-рингтегі 28-ші жеңіс болды, ал Джейсон Минда мансабындағы төртінші жеңіліске ұшырады. Ислам 2019 жылдың қазан айынан бастап Вальтер Коутондокваны (18-2, 17 КО) жеңген болатын.
28-ші жеңіске жеткен Қанат Ислам рингтен соң осылай деді.
«Қытайда тудым, Қазақстанда өстім, Түрік әлемінің өкілімін. Кеше ғана елімізде қайғылы жағдай орын алды. Қаншалаған сәбиімізден айырылп қалдық. Жеңісімді сол бес бүлдіршіннің рухына арнаймын. Ел басқарып отырған ағаларымыздың құлағына алтын сырға, елмен, халықпен бірге болыңыздар! Аяқтарың аспаннан салбырап түскен жоқ, халықты ойлаңыздар!» деді Қанат Ислам
Қанат сонымен бірге Канелоны жекпе-жекке шақырды.
