Бүгін, 2 қаңтар күні, «Nur Otan» партиясы тізімімен Алматы облысы Еңбекшіқазақ аудандық мәслихатқа үміткер Рахимов Бағдат Болатұлы партияның сайлауалды бағдарламасын кеңірек таныстыру мақсатында Еңбекшіқазақ ауданының Қазпошта бөлімшесінің қызметкерлерімен жүздесті, деп хабарлайды Neonomad.kz ақпарат агенттігі.
Аталған кездесу барысында «Nur Otan» партиясының сайлауалды бағдарламасы таныстырылып, үгіт-насихат жұмыстары жүргізілді.
«Біздің баршамызға ортақ мүддеміз — әрбір азаматқа қолайлы өмір сүру үшін жақсы жағдай жасап, өмір сүру деңгейін арттыру. Еңбекшіқазақ ауданы «Nur Otan» партиясы өкілдігінің бағдарламасында көп бала тәрбиелеп отырған әйел қауымына және мүгедек жандарға қолдау көрсетуге ерекше мән берілген. Ауданымызда жыл сайын білікті жұмыс күшіне сұраныс артып келеді. Бұл ауданда жаңа инвестициялық жобалардың іске асып жатқанына дәлел. Бүгінгі таңда 200 ашық бос жұмыс орны бар. Ағымдағы жылы мемлекеттік бағдарламаларды іске асыру есебінен 4 135 адамды жұмыспен қамту жоспарлануда, олардың үштен бірі (1147 адам) «Жұмыспен қамтудың жол картасы» бағдарламасы шеңберінде орналасады. «Nur Otan» партиясы әркімнің өзі мен отбасы үшін лайықты өмір сүру деңгейін қамтамасыз ете алуы үшін тұрақты жұмыс орындарының санын ұлғайтуға қол жеткізеді», — деді Бағдат Рахимов.
Үміткер әрбір істе халыққа есеп берудің маңызы мол екенін ескеріп пандемия кезінде жағдайды тұрақтандыру үшін жасалған шараларға да тоқталды.
«Пандемия еліміздегі экономикалық жағдайға кері әсерін тигізді. Осы орайда мемлекет дағдарысқа қарсы шараларды жүзеге асырды. Оларды нақты жіпке тізер болсақ: мәжбүрлі демалыстағы қызметкерлерге 42,5 мың теңгеден төленді; халықтың әлеуметтік аз қамтылған топтарынан 14,8 мың адам азық-түлік-тұрмыстық жиынтығына арналған төлем алды; 2,4 мың аз қамтылған отбасыларға атаулы әлеуметтік көмек көрсетілді, 1-6 жас аралығындағы 3,3 мың балаға кепілдендірілген әлеуметтік пакеттер берілді. Бұдан өзге 3,9 мың адамның коммуналдық шығындары өтелді.
Нұрсұлтан Әбішұлының бастамасымен «Biz birgemiz» акциясы шеңберінде «Nur Otan» партиясының мүшелері мен еріктілер 517 астам отбасына азық-түлік себеттерін жеткізді, 4982 мың адам 50 000 теңгеден алды. Жұмыспен қамтудың жол картасы шеңберіндегі жобаларға 11,5 млрд. теңге бөлінді, бұл 2307 жаңа жұмыс орнын құруға мүмкіндік береді. 80 коммуналдық меншік нысандарына 3 айға жалдау ақысы алынып тасталды; ТЖ кезеңінде кредиттер бойынша айыппұлдар мен өсімпұлдарды есептеуге мораторий енгізілді; зардап шеккен жеке кәсіпкерлер мен шағын орта бизнес кредиттері бойынша міндеттемелерді орындау мерзімін кейінге қалдыру енгізілді», — деді Бағдат Рахимов.
Сондай-ақ, кездесу аяғында мекеме қызметкерлері көкейтесті сұрақтарын қойып, мазалаған мәселелерді шешу бойынша жауап алды.
Сайлауалды үгіт-насихат бағытындағы материалдар «Nur Otan» партиясы Алматы облысы Еңбекшіқазақ аудандық филиалының сайлау қорынан төленеді.
