«Nur Otan» партиясы Жамбыл облысы Мойынқұм аудандық филиалынан үміткерлердің аудандағы сайлауалды үгіт-насихаттық жұмыстары жалғасуда, деп хабарлайды Neonomad.kz ақпарат агенттігі.
Бүгін аудандық мәслихат депутаттығына үміткерлер Б. Қалымбетов, Ж. Бұхарбаев, Т. Аманжолов, М. Белгiмбаев, облыстық мәслихат депутаттығына үміткер Ни Сергей Константинұлы және партияның сенiмдi өкілдері «Кандидат — қонақта» акциясы аясында ауданға еңбегі сіңген, мыңаралдық ардагер ұстаз Раиса Садықованың және ақ жаулықты ана Күміс Бакированың үйiнде болып, сайлауалды бағдарламаларымен таныстырды.
«Nur Otan» партиясы — елдің жағдайына болысып, қиын-қыстау сәттерде партиямыз қалтарыста қалмады. Кешегі пандемия кезінде оны нақты дәлелдей түсті. Алғаш рет елімізде партияішілік іріктеу өткізіп, шын мәнінде еліміздің демократиялық таңдауының аясы кеңігенін аңғартты. Партия жастарға мол мүмкіндік беруде. Одан бөлек нәзікжандылардың да мінберге шығуына жағдай жасауда. Бастысы халық көңілінен шығып, артылған сенімді ақтауды көздейді. Міне, сондықтан халықтық партияға дауыс беруге шақырамын», — деді Б. Қалымбетов.
Кездесу барысында партияның «Өзгерістер жолы: Әр азаматқа лайықты өмір!» атты сайлауалды бағдарламасы — қарапайым тұрғындардың қажеттілігін, талап-тілегін ескеретінін, болашақта «Халық үніне құлақ асатын» концепциясы негізінде депутаттардың қызмет атқаратыны жайлы айтылды.
Ардагер ұстаз қоғамда өз орны бар, iскер жастарымыздың көп болуына тілектестігін білдірiп, патриот азаматтарымыз әрқашан еліміздің өсіп-өркендеуіне белсене атсалысуы керектігiн, алдыңғы толқын ағалардың кейінгі толқын — жастарға зор үміт артатынын тілге тиек ете келіп, ақ жарма тiлектерiн жеткiздi.
Сайлауалды үгіт-насихат бағытындағы материалдар «Nur Otan» партиясы Жамбыл облысы Мойынқұм аудандық филиалының сайлау қорынан төленеді.
