Бүгін, 23 желтоқсан күні, «Nur Otan» партиясы тізімімен Алматы облысы Еңбекшіқазақ аудандық мәслихатқа үміткерлер Бағдат Рахимов, Бекет Ахметов және Айбек Ілебаев бірлесе барлық деңгейдегі мәслихат депутаттығына үміткер ретінде Бәйдібек би ауылының тұрғындарымен кездесу өткізді, деп хабарлайды Neonomad.kz ақпарат агенттігі.

Аталған кездесу барысында «Nur Otan» партиясының сайлауалды бағдарламасын таныстырып, үгіт- насихат жұмыстарын жүргізді. Сонымен қатар 2021 жылдың қаңтар айының 10 жұлдызында «Nur Otan» партиясына дауыс беруге шақырды.

Үміткерлер әрбір істе халыққа есеп берудің маңызы жөн екенін ескеріп пандемия кезінде жағдайды тұрақтандыру үшін жасалған шараларға тоқталды.

«Пандемия еліміздегі экономикалық жағдайға кері әсерін тигізді. Осы орайда мемлекет дағдарысқа қарсы шараларды жүзеге асырды. Оларды нақты жіпке тізер болсақ: мәжбүрлі демалыстағы қызметкерлерге 42,5 мың теңгеден төленді; халықтың әлеуметтік аз қамтылған топтарынан 14,8 мың адам азық-түлік-тұрмыстық жиынтығына арналған төлем алды; 2,4 мың аз қамтылған отбасыларға атаулы әлеуметтік көмек көрсетілді, 1-6 жас аралығындағы 3,3 мың балаға кепілдендірілген әлеуметтік пакеттер берілді. Бұдан өзге 3,9 мың адамның коммуналдық шығындары өтелді.

Нұрсұлтан Әбішұлының бастамасымен «Biz birgemiz» акциясы шеңберінде «Nur Otan» партиясының мүшелері мен еріктілер 517 астам отбасына азық-түлік себеттерін жеткізді, 4982 мың адам 50 000 теңгеден алды. Жұмыспен қамтудың жол картасы шеңберіндегі жобаларға 11,5 млрд. теңге бөлінді, бұл 2307 жаңа жұмыс орнын құруға мүмкіндік береді. 80 коммуналдық меншік нысандарына 3 айға жалдау ақысы алынып тасталды; ТЖ кезеңінде кредиттер бойынша айыппұлдар мен өсімпұлдарды есептеуге мораторий енгізілді; зардап шеккен жеке кәсіпкерлер мен шағын орта бизнес кредиттері бойынша міндеттемелерді орындау мерзімін кейінге қалдыру енгізілді», — деді Бағдат Рахимов.

«Nur Otan» партиясы тізімімен Алматы облысы Еңбекшіқазақ аудандық мәслихатқа үміткер Бағдат Рахимов өңірдің экологиялық ахуалы мен халықтың өмір сүру жағдайын жақсартуға партияның аса мән бергеніне тоқталды. Осы орайда нақты қандай шаралар жоспарда бар екеніне тоқталды.

«Партиямыз бірінші кезекте тұрғын үй алу үшін мүмкіндіктер жасау арқылы отбасы институтын нығайту қажет деп санайды. Бүгінде ауданда тұрғын үй алуға кезекте 2 581 адам тұр. Мұнда тұрғын үймен қамтамасыз ету деңгейі 17,2 шаршы метрге дейін жақсарды. «Nur Otan» партиясы бұл көрсеткішті 2025 жылға қарай 18,4 шаршы метрге дейін жеткізуді мақсат етіп отыр», — дейді үміткер.

Ауыл тұрғындары партия бағдарламасымен танысып қана қоймай, көкейінде жүрген сұрақтарын қоюға да мүмкіндік алды. Үміткерлер өз кезегінде барлық сұраққа жауап беріп, қосымша ақпараттар ұсынып жатты.

Сайлауалды үгіт-насихат бағытындағы материалдар «Nur Otan» партиясы Алматы облысы Еңбекшіқазақ аудандық филиалының сайлау қорынан төленеді.