Денсаулық сақтау министрлігінің жетекшісі Алексей Цой пандемия кезінде дәрігерлердің тапқан табысы туралы айтты. Сондай-ақ, ол мемлекет тарапынан берілетін төлемдер тоқтатылса да, ақ халаттыларға берілуі тиіс бонустардың сақталатынын түсіндірді, деп хабарлайды Neonomad.kz ақпарат агенттігі.
Министр Қазақстанда дәл биылғыдай дәрігерлерге қолдау көрсету жоғары дәрежеде болмағанын айтады. Оларға төленген ынталандырудың сомасы 84,6 млрд теңгені құраған.
«Наурыз бен қыркүйек айларының арасында дәрігер қосымша 1,7 млн теңге және ай сайын қосымша 850 мың теңге жәрдемақы алып отырған. Яғни ол осы аралықта 7,7 млн теңге табыс тапты. Оған бұл сома қауіпті аймақтарда жұмыс істегені үшін төленді. Орташа есеппен айына 1,1 млн теңге алып отырған», – деді Цой.
Аталған аурухана медбикесі 153 мың теңге жалақы алып, эпидемия кезінде 7 млн тг табыс тапқан.
