Алматы облысының тұрғыны Ая Өмірзақова өзін зорлау әрекетін тергеудегі қағазбастылыққа шағымданып, көпшілікке жүгінді, деп хабарлайды Neonomad.kz ақпарат агенттігі Stan.kz сайтына сілтеме жасап.
Бойжеткен өзінің желідегі парақшасында видео хабарлама жасады. Эмоционалды пост әлеуметтік желілерде үлкен резонанс тудырды.
«Мен бұл қадамға баруға батылым бармады. Құзырлы органдардан, біздің органдардан маған көмектесуін және бұл мәселені бақылауға алуын сұраймын. Бәрінің әділ болғанын қалаймын», — деп жазды пост авторы.
Қыз ҰҚК қызметкері оны зорламақ болған деген болжам айтты. 11 қыркүйектен 12 қыркүйекке қараған түні ол жұмыстан қайтып келе жатып, жүргізуші оған шабуыл жасап, ұрып-соғып, зорламақ болған. Қыз ер адамға қарсылық көрсетіп, зорлық-зомбылықтан әрең дегенде құтылдым дейді.
«Мен қарсыластым. Ол мені ұрып-соғып, орамалымды жұлып алды. Ол «Мен сендердің орамалдың астында басқа екендеріңді білемін» деп айтты. Ол мені өлтіретінін, сосын жерлейтінін айтты», — деді.
Посмотреть эту публикацию в Instagram
Ол өзінің видео-хабарламасында Қаскелең полициясының қызметкерлері бұл істі тергеп жатқанын үш ай болғанын айтады. Ал күдіктінің туыстары оны қорқытып, алаяқтық жасады деп айыптауға тырысады. Қыз өзінің жұмысын жоғалтқанын және стресстің салдарынан психологтан көмек сұрауға мәжбүр болғанын айтты.
Алматы облысы полиция департаментінің баспасөз қызметі қыздың полицияға жүгіну фактісін растады және бұл істің тергеуі бақылауда екенін айтты.
«Жәбірленушінің арызы ҚР Қылмыстық кодексінің 24-бабы 3-бөлігі, 120-бабы 1-бөлігі «Зорлау әрекеті» бойынша тіркелген», — дейді департаменттің баспасөз қызметі.
