Айтыскер ақын Айнұр Тұрсынбаева жолдасы Иманәлиев Нұржан 10 жетім балаға айына 30 мың теңгеден шәкіртақы беріп отырмақ, деп хабарлайды Neonomad.kz ақпарат агенттігі.

“Айнұр Тұрсынбаева күйеуімен бірге түскен суретін ақыры салды-ау” деп ертең сайттар шулай бастайды енді. Менің өмірім неге соншалықты қызық болып кеткенін білмеймін, әйтеуір отбасылық суреттерім бүкіл сайтта өріп жүр. Мен үшін ешкімнің өмірі қызық емес, жеткен жетістігі мен өнегесі ғана қызық. Оның үстіне ажырасып үйлену деген мақтаныш емес болғасын шытырман хикаяға толы тағдырымды айқайлап айта бергім келмейді.

Енді ең басты жаңалығыма көшейін. Алла қосқан жарым Нұржан екеуміз ақылдаса келе Алла разылығы үшін бір жария садақа жасайық деп шештік. Яғни ата-анасы жоқ тұл жетім 10 балаға ай сайын 30 мың теңгеден шәкіртақы беріп тұратын болдық. Тек жақсы оқитын балалар болуы шарт. Қордың қатысы жоқ. Өз атымыздан! Алла аналарды жесірліктен, балаларды жетімдіктен сақтасын! Лайым, ешқандай отбасы бөлінбесін. Ешқандай шаңырақ құламасын, сәбилер жыламасын», – деп жазды айтыскер.