19 жастағы қазақстандық Қырғызстанның құқық қорғау органдарына жүгінді. Ол күйеуі және оның отбасымен бірге көршілес елде тұрады. Келіншек күйеуінің туыстары оны жүйелі түрде ұрып-соғатынын мәлімдеген, деп хабарлайды Neonomad.kz ақпарат агенттігі KAZ.NUR.KZ сайтына сілтеме жасап.
Қазақстан азаматына қатысты тұрмыстық зорлық-зомбылық туралы құқық қорғау органдарына сілтеме жасаған Kaktus.media порталы мәлім етті. Белгілі болғандай, 11 тамызда келіншек өз бетімен милицияға жүгінген. Күйеуінің туыстары оны жүйелі түрде ұрып-соғатынын, ал енесі тамақ пен су бермей жертөледе отыруға мәжбүрлейтінін мәлімдеген.
Шу облысының ішкі істер басқармасы туыстарының келінді әр жанжалдан кейін жертөлеге жіберіп отырғанын анықтады. Басылымның ақпарынша, аталған жайт құқық қорғау органдарында тіркелгенімен, милиция тергеуді бастамаған. Себебі қазақстандық бұл мәселені шешу үшін әкесінің келуін күткен. Істің «бұзақылық» бабы бойынша тергелетіні белгілі болды.
«Қыздың әкесі барлық кінәлі адамдарды қылмыстық жауапкершілікке тартуға ниетті. Ол да күйеу баласының үсітенен арыз жазған. Белгілі болғандай, қазақстандықтың күйеуі бұған дейін үйленіп, тұрмыстық зорлық-зомбылыққа байланысты ажырасып та үлгерген екен», – деп жазды басылым күштік құрылымдағы дереккөзіне сілтеме жасап.
Белгілі болғандай, қазақстандықтың енесі және күйеуінің әпкесі кінәларын мойындамаған. Ал күйеуі қызғаныштан туған ұрыс-керістен кейін қалыңдығына қол көтергенін алға тартты. Сараптама келіншектің денсаулығына жеңіл зиян келтірілгенін анықтады. Тергеу жалғасуда. Айта кетейік, жақында әйелін қасақана өлтірген Қостанай тұрғынына қатысты сот үкімі шыққанын хабарлағанбыз. Ол әйелін бірнеше рет пышақтап, кейін қорғанған сыңай танытып, өзін-өзі жаралаған. Сондай-ақ бұған дейін жарынан қорлық көрген әйелдің үш баласымен бірге үйден қашып кеткенін жазған едік.
