Қытайда кене арқылы жұғатын SFTS вирусының өршуі тіркелді, деп хабарлайды Neonomad.kz ақпарат агенттігі Global Times басылымына сілтеме жасап.
«Соңғы мәліметтер бойынша, қазірдің өзінде аталған індетті 60 адам жұқтырып, оның жетеуі қайтыс болған. Бастапқыда індет Цзянсу провинциясында тіркелді, кейіннен Аньхой провинциясының тұрғындары да вирус жұқтырғаны анықталды», – делінген ақпаратта.
Ауру жұқтырғандардың айтуынша, симптомдық белгі ретінде жөтел, дене қызуының көтерілуі және қандағы лейкоциттер мен тромбоциттер деңгейінің төмендеуі байқалады.
Айта кетейік, SFTS вирусы алғаш рет 2011 жылы анықталды. Вирус кенеден адамға жұғып, басқа адамдарға қан немесе шырышты қабық арқылы таралады.
