Алматыда бес үйді тонап, 17 жастағы қызды зорлаған азаматқа қатысты сот үкімі шықты, деп хабарлайды Neonomad.kz KTK арнасына сілтеме жасап.
Сотталушы баспана тонаймын деп жүріп, қыз зорлады. Жасалған қылмыстары толығымен дәлелденді. Сот үкімі бойынша айыпталушы 6 жыл 8 айға бас бостандығынан айырылды. Сондай-ақ, судья материалдық шығындары толық өндіріліп беретінін жеткізді.
Азап көрген тұрғындардың сөзінше, 40 жастағы Төкенов өрмекшідей бесінші қабатқа еркін өрмелеп мініп, үшінші қабаттан оңай секірген. Сотталушының артында кәмелетке толмаған баласы қалды. Оған анасы баскөз болады. Осыны ескерген зардап шеккен тұрғындар сотталушыға ұзақ мерзім беруді талап етті. Жұртшылық қайтадан шағымданамыз деп отыр.
«Бұл шешімге келіспеймін. Неге? Өйткені бұл Төкенов екі рет сотталған. Оған қалай жеңілдік беріледі? Ол қызының асыраушысы жоқ емес қой. Асыраушысы бар. Оны қарап отырған анасы бар. Ал әйелінің айтуы бойынша осы уақытқа дейін бірге тұрмаған», – дейді жәбірленуші Ақмарал Әбдіраманова.
