Алматыда 36 жастағы полиция қызметкері Бақытжан Бәкіров педофилді ұстау үшін 13 қабаттан секіріп кетті, деп хабарлайды Neonomad.kz ақпарат агенттігі Polisia.kz сайтына сілтеме жасап.

Бәкіров қарақшылық шабуыл жасап, кәмелетке толмаған адамды зорлаған 31 жастағы күдіктіні ұстады.

Қылмыс 11 шілдеде жеке сектор аумағында болған. Белгісіз біреу төрт жасар бала мен оның 15 жастағы әпкесі болған үйлердің біріне кірген. Полиция мәліметтері бойынша, ер адам 17 мың долларды ұрлап, қызды зорлаған.

Полиция қызметкерлері ер адамның қайда жасырынып, жоспар әзірлегенін анықтады. Полиция майоры Бақытжан Бәкіров пәтерге сантехник ретінде кірген.

«Мен және әріптесім Мейір Несіпбай жалданған пәтер иесімен бірге 13-ші қабатқа көтерілдік. Оның қосалқы кілттері болды. Әйел оны шақырып, құбыр ағып жатқанын айтты, жөндеу жұмыстарын жүргізуге сантехниктер келді деді. Ол дәлізге шықты, мен оған қарай ұмтылдым. Ол бөлмелердің біріне жүгіріп барып, ашық тұрған терезеден секіріп кетті. Бұл секундтарда әдетте ештеңе ойламайсың, ең бастысы – қуып жету. Сондықтан мен оның артынан секірдім», – деді Бәкіров.

Олардың екеуінің де үйдің террасасына құлағаны белгілі болды.

«Біз сонда болған кезде, күдікті тағы да қашып кетті, төмендегі келесі террассаға секіруге тырысты. Бірақ мен оны құлатып үлгердім және көмек келгенге дейін ұстап тұрдым. Тек содан кейін мен аяғымның сынғанын түсіндім», – деді полиция майоры.

Бақытжан Бәкіровтың екі қызы мен төрт ұлы бар.

«Бұл мендегі ең қымбат нәрсе. Тұтқындауға барған кезде өзіме мақсат қойдым – кез-келген жолмен осындай қорқынышты қылмысқа қатысты күдіктіні ұстау. Аяғыма үш рет ота жасады.  Дәрігерлер әлі де қылмыскерлердің артынан жүгіре алатынымды айтты», – деді ол.

«Әріптестерім көмекке келген соң, мен жақындарым туралы ойладым.  Екі ай бұрын біздің отбасымыз толықты: егіздер дүниеге келді. Біраз қорқынышты болды, өйткені мен терезенің сыртында не бар екенін білмедім. Күдікті кенеттен ұсталып қалмас үшін өзін-өзі өлтіргісі келген шығар? Ал мен ойланбастан секіріп кетіппіе», – деді Бақытжан Бәкіров.

Полиция майоры Бақытжан Бәкіров пен оның серіктесі – полиция аға лейтенанты Мейір Несіпбай ішкі істер министрінің бұйрығымен «Құқықтық тәртіпті қамтамасыз етуге қосқан үлесі үшін» медальдарымен марапатталды.

Ал қылмысты тергеу қылмыстық кодекстің екі бабы бойынша жүргізіледі: 192-баптың төртінші бөлігі («қарақшылық», 14 жылға дейін бас бостандығынан айыру қаупі бар) және 120-баптың төртінші бөлігі («зорлау», 20 жылға дейін бас бостандығынан айыру қаупі бар).

Күдікті уақытша ұстау изоляторына қамалды.