Білім және ғылым министрі Асхат Аймағамбетов жаңа оқу жылында 1-11 сынып оқушылары қашықтан білім алатынын айтты, деп хабарлайды Neonomad.kz ақпарат агенттігі.
«Өздеріңіз білесіздер, жаңа оқу жылына дайындық бойынша тапсырма берілді. Қазіргі эпидемиологиялық жағдай оңай емес. Қауіп – қатерді ескере отырып, 1 қыркүйектен бастап шағын мектептерді қоспағанда, бірінші тоқсанды қашықтан өткізу туралы шешім қабылданды», – деді министр.
Бұған дейін Денсаулық сақтау министрі Алексей Цой да оқу жылының бірінші тоқсанында орта білім беру ұйымдарының барлық сыныбы үшін қашықтан оқытуды қарастыруды ұсынған еді.
