Еліміздің фермерлер одағының бұрынғы басшысы Әуезхан Дарынов 19 жылға бас бостандығынан айырылды, деп хабарлайды Neonomad.kz ақпараттық агенттігі Nur.kz сайтына сілтеме жасап.
«Сот үкімімен Әуезхан Дарынов ҚР Қылмыстық кодексінің 124-бабы 1-бөлігі «Балаларды азғыру), 122-бабы 1-бөлігі (Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау), 120-бабы 4-бөлігі (Зорлау), 121-бабы 4-бөлігі (Сексуалды сипаттағы зорлық-зомбылық әрекеттері), 124-бабы 3-бөлігімен (Жас балаға бірнеше рет азғындық жаса) кінәлі деп танылып, 19 жылға бас бостандығынан айырылды.
Сонымен бірге, оған жасөспірімдер ісіне қатысты педагогикалық және өзге де жұмыспен айналысуға тыйым салынды», – деді соттың баспасөз қызметі.
Ол жазасын ерекше режимдегі колонияда өтейді. Үкім әлі заңды күшіне енген жоқ.
Еске сала кетсек, үстіміздегі жылдың ақпан айында Әуезхан Дарынов кеңсесінде ұсталған болатын. Ол кәмелет жасына толмаған баламен жыныстыққа қатынасқа түскен деп айыпталуда.
