Екі жасар баласының емі үшін жиналған ақшаны жезөкшелерге жұмсап қойған әке баласынан айырылды, деп хабарлайды Neonomad.kz ақпараттық агенттігі Lenta.ru сайтына сілтеме жасап.
Кішкентай бала 17 қазанда Бразилияда жан тапсырды.
Екі жасар Мигель Альвестің емі үшін оның ата-анасы 2018 жылдан бастап әлеуметтік желі арқылы халықтан ақша жинап келген. Балаға қажет препараттың әр дозасы 90,5 мың доллар тұрады, ол дәрі аурудың дендеуін тежейді екен. Бір жыл ішінде олар халықтан 248 мың доллар жинаған.
Отбасы жиналған ақшаны банктің төрт есепшотына салған, ата-аналардың әрқайсысы оның бір-біреуін басқарған. Осы жылдың мамыр айында отағасы жұмыспен сыртқа кететінін айтады. Содан бері ол үйінде бір-екі рет төбе көрсеткен. Бір күні әйел шоттан, сол секілді баласының да шотынан үлкен соманың шешіліп алынғанын байқап қалады. Әйелдің күдіктеніп, ақыры шілде айында полицияға арызданады, деп жазады портал.
37 жастағы әке қымбат қонақ үйде қамауға алынды.
Ол онда тұрған екі ай ішінде 150 мың долларды құртқан. Алвес шоттан шешіп алған ақшаға қымбат дизайнерлік киім киіп, әшекей сағат сатып алып, есірткі тұтынып, жезөкше жалдаған.
