Атырау облысында жантүршігерлік жол апаты болды. Екі жеңіл автокөліктің бетпе-бет соқтығысуы салдарынан 5 адам қаза тапқан, деп хабарлайды Neonomad.kz ақпарат агенттігі КТК арнасына сілтеме жасап.
Ал екі көліктен тірі қалған жалғыз жолаушы аудандық ауруханаға жеткізілді. Жол апаты таңғы елең-алаңда Құлсары қаласынан Теңіз кенішіне барар тас жолда болды. Қаза болғандардың барлығы вахталық кентке жұмысқа бара жатқан адамдар екен.
«Chevrolet» маркалы көлікте 4 азамат, «Ладада» тағы екі адам болған. Екі жүргізуші мен үш жолаушы оқиға орнында жан тапсырды. Аман қалған жалғыз жолаушы қазір ауруханада жатыр. Апаттың нақты себептері сараптама қорытындысынан кейін белгілі болады.
