Мұғалімдердің орташа жалақысы 150-160 мың теңгені құрайды. Бұл туралы Нұр-Сұлтан қаласы 54 мектеп- лицей директоры Шәкәрім Сейсенбай “Ашық алаң” бағдарламасының тікелей эфирінде айтты, деп хабарлайды Neonomad.kz ақпарат агенттігі.
“Мұғалімдердің жалақысы көтерілгенге дейін орташа жалақы 110-120 мың теңге болған. Қаңтар айында жалақы көтерілгеннен кейін 150-160 мың теңгені құрады”, – дейді ол.
Мектеп директорының айтуынша, мұғалімдердің жалақысы қаңтар айынан бастап 25 пайызға өскен.
“Бұл мұғалімдердің көңіл-күйіне оң әсер етті”, – дейді Шәкәрім Сейсенбай.
