Сыбайлас жемқорлыққа қарсы іс-қимыл агенттігі Атырау облыстық мемлекеттік кірістер департаментінің басшысы Қайрат Жолмұхамбетовті құрықтау кезінде түсірілген бейнежазбаны жариялады, деп хабарлайды Neonomad.kz ақпарат агенттігі КТК арнасына сілтеме жасап.

Атыраудың бас салықшысы қарамағындағы басқарма басшысының қызметін өсіру және жалпы қамқорлық жасап отыруға ақша сұраған. Жолмұхамбетовтың қолына кісен сол талап етілген 10 мың доллардың үштен бірін алып жатқанда салыныпты.

Оған қоса, жеке кәсіпкердің салыққа қарызын жоюға 490 мың теңге көлемінде пара алды деген айып тағылып отыр. Лауазымды тұлғаға қатысты іс өткен жылдың соңында басталған болатын. Жолмұхамбетов бұл лауазымды жарты жыл атқарды.