Қаңтардың 11-нен 12-сіне қараған түні Алматы қаласында ер адам пышақпен отандық әншіге шабуыл жасады. Оны өлтіретінін айтып қорқытып, көлікпен белгісіз бағытта жүруге мәжбүрлеген. Артынша, тіпті, зорламақ болған, деп хабарлайды Neonomad.kz ақпарат агенттігі «Не Молчи» қоғамдық қорына сілтеме жасап.

Уатхан Заханқызының айтуынша, ол көлігін қыздырып жатқан кезде көліктің алдына белгісіз ер адам отырып, тамағына пышақ кезеген. Артынша қаскөйәншінің қол-аяғын байлап, бар ақшасын тартып алады.

«Алайда әйел аяғының ауыр екенін айтып, өзіне тиіспеуді өтінген. (Екіқабатпын деп алдауына тура келген). Осыдан кейін ол тоқтап, әйелден әрі қарай жүруді бұйырған, әйелдің бір қолы байлаулы болып, екеуі мақсатсыз қалада жүреді», – деп жазылған жазбада.

Болған жағдайдан кейін Уатхан Зақанқызы бірден полицияға хабар берген. Үш тәулік ішінде тәртіп сақшылары ер адамды қолға түсірді.