Павлодар облысы әкімдігі Болат Бақауовтың ұсталуына қатысты пікір білдірді, деп хабарлайды Stan.kz ақпарат агенттігі.
«БАҚ-та, әлеуметтік желілер мен мессенджерлерде «Павлодар облысының әкімі ұсталды, тергеліп жатыр» деген мазмұндағы хабарламалар мен аудиожазбалар таралуда. Дәл қазіргі уақытта аталған ақпаратты растайтын ресми деректер жоқ.
Ресми деректер жарияланғанға дейін қандай да бір тұжырым жасаудан аулақ болуға шақырамыз. Біз Сіздерді өзіміздің әлеуметтік желілер арқылы хабардар ететін боламыз”, – деді баспасөз қызметіндегілер.
